Skráning á ráðstefnuna: Vísindin í námi og leik

VÍSINDI Í NÁMI OG LEIK

Laugardaginn 30. mars 2019 verður efnt til ráðstefnunnar Vísindi í námi og leik í samstarfi Miðstöðvar skólaþróunar við Háskólann á Akureyri og Málþings um náttúrufræðimenntun*. Á ráðstefnunni verður fjallað um nám og kennslu í náttúruvísindum, stærðfræði og tækni, þ.m.t. upplýsingatækni, í leik-, grunn- og framhaldsskólum.

Ráðstefnan er ætluð kennurum og starfsfólki í leik-, grunn-, og framhaldsskólum og sérstaklega er horft til þess að umfjöllunarefni hafi hagnýtt gildi í skólastarfi. Auk aðalfyrirlestra og pallborðsumræðna verða málstofuerindi, vinnustofur og veggspjöld þar sem reifuð verða ýmis mál er lúta að námi og kennslu með sérstakri áherslu á fyrrnefnd viðfangsefni.Upplýsingar um ráðstefnuna má  einnig finna á Facebooksíðum MSHA og Náttúrutorgs og á síðu Miðstöð skólaþróunar.

Skráning á ráðstefnu

Veggspjald til útprentunar- endilega prentið út og setjið upp í skólum ykkar.

Málþing í miklu samstarfi

Að þessu sinni verður málþing um náttúrufræðimenntun haldið í samstarfi við Miðstöð skólaþróunar í Háskólanum á Akureyri laugardaginn 30. mars.

Eins og áður koma margir að málþinginu og skipulagið langt komið, kall eftir erindum og smiðjum má sjá hér að neðan.

  Continue reading

Vel heppnað málþing 2017

Málþing um náttúrufræðimenntun var haldið 31. mars og 1. apríl í Stakkahlíð.  Þingið sóttu vel yfir 100 manns, áhugafólk um náttúrfræðimenntun af öllum skólastigum.  Þessi þing eru mikilvægur vettvangur fyrir þennan hóp að hittast, ræða málin og læra hvert af öðru.  Við getum strax farið að hlakka til 2019 en þá er áætlunin að halda þingið á Akureyri.

Hér fyrir neðan má finna tíst, frá málþinginu.   og myndir á Flickr

/sp

Málþing um náttúrufræðimenntun 2015

Málþing um náttúrufræðimenntun verður haldið 17.-18. apríl 2015. Dagskráin verður með fjölbreyttu sniði, erindi, smiðjur og pallborð. Kallað verður eftir framlögum í byrjun janúar 2015.

Að þinginu standa:

Rannsóknarstofa um náttúrufræðimenntun við Menntavísindasvið
Félag leikskólakennara
Samlíf samtök líffræðikennara
Samtök áhugafólks um skólaþróun.

Frekari upplýsingar: birgira@hi.is

Víðsjár og smásjár í skólastarfi

Eftir vel heppnaða smiðju um víðsjár og smásjár í skólastarfi  hafa borist margar fyrirspurnir um hvar megi nálgast stafrænar smásjár. Fjóla Höskuldsdóttir bendir á að þær megi fá hjá Compuvisor.com

Stafræn smásjá frá Compuvisor

Í tenglasafni Náttúrutorgs má einnig fá þessar upplýsingar og annað um söluaðila búnaðar sem hentar í náttúrufræðikennslu:

A4 selur smásjár

Bræðurnir Ormson hafa selt sjónauka og smásjár.

Sjónaukar selja stjörnusjónauka, sjónauka til fuglaskoðunar og smásjár.

Tölvulistinn selur handsmásjár.

 

Að loknu málþingi

Við viljum færar öllum þátttakendum á málþingi um náttúrufræðimenntun fyrir komuna. Sérlega viljum við þakka þeim 60 sem voru með framlög af einhverju tagi fyrir þeirra framlag. Það er greinilegt að það er margt áhugvert að gerast í náttúrufræðimenntun og við urðum vör við mikla ánægju með það sem í boði var.

Skjákynningar frá flestum kynningum má nálgast við ágrip þeirra.

Myndir frá málþinginu má sjá hér, nokkrar í viðbót hér og  myndir úr stofu 207. Gaman væri að sjá myndir frá fleirum, sendið endilega myndir eða tengil á svavap@hi.is.

Náttúrufræðikennarar af öllum skólastigum eru hvattir til að ganga í hóp félaga sinna á Facebook sjá: https://www.facebook.com/groups/222107594472934/

Samlíf, samtök líffræðikennara http://www.lifkennari.is/ og Félag raungreinakennara http://www.ki.is/?PageID=2175 bjóða líka nýja félaga velkomna

Kv. Undirbúningshópurinn

Umræða um náttúrufræðimenntun á tuttugustu og fyrstu öld.

Á málþinginu mun fara fram umræða um ákveðin þemu með svokallaðri fiskabúrsaðferð. Í aðferðinni  er þáttakendum raðað í hringi hver utan um annan og í innsta hring sitja fjórir málshefjendur. Þeir byrja umræðuna með  stuttum  inngang þar sem gjarnan eru sett fram sjónarmið þess sem talar og velt upp spurningum og álitamál varðandi þemað sem er til umræðu.  Hver sem er úr ytri hring má svo snerta einhvern úr innri hring og fá hjá honum sætið og taka þátt í umræðunni.  Sá úr innri hring stendur þá upp og fær sér sæti í ytri hring. http://en.wikipedia.org/wiki/Fishbowl_(conversation)

Þemun sem til umræðu verða má sjá hér að neðan og taka mið af erindi Reiss.

A. Inntak, hæfniviðmið og námsmat: Hvernig ætti námsmati að vera háttað í náttúrufræðimenntun?

B. Kennsluhættir, verkleg vinna og inntak:  Hversu mikilvægur er verklegur þáttur í náttúrufræðum?

C. Hver ættu að vera markmiðin með menntun í náttúrufræðum og raungreinum. M.a. með tilliti til grunnþátta nýrra námsskráa?

D. Hvernig getum við tekið tilliti til námsþarfa mismunandi nemenda og hvernig þeir læra?