Málþing um náttúrufræðimenntun

Erindi, kynningar og smiðjur.

30/03/2023
by svava
Comments Off on Dagskrá og skráning

Dagskrá og skráning

Ráðstefna um menntun í náttúruvísindum verður haldin á Selfossi dagana 14.-15. apríl.
Við byrjum á föstudeginum í Fjölbrautaskóla Suðurlands og höldum svo áfram í glænýjum Stekkjaskóla á laugardagsmorgninum. Þrír aðalfyrirlesarar munu flytja erindi og svo verða styttri samhliða erindi og vinnustofur.

Jafnframt verður ráðstefnunni streymt til skráðra þátttakenda.

Dagskrána má nálgast hér.

Skráning á ráðstefnuna er hér

Þátttökugjald er 5000 kr. og greiðist inná reikning Félags raungreinakennara  reikningsnr. 0536-04-760711 kt. 620683-0279.

Enn er rými fyrir erindi, vinnustofur eða bása.

Við hlökkum til að sjá ykkur öll og ræða menntun í náttúruvísindum í þaula.

kveðja undirbúningsnefndin

06/02/2023
by svava
Comments Off on Ráðstefna um menntun í náttúruvísindum

Ráðstefna um menntun í náttúruvísindum

Kallað er eftir efni á Ráðstefnu um menntun í náttúruvísindum sem verður haldin 14. og 15. apríl 2023 í Fjölbrautaskóla Suðurlands. Lýsing á efni er sent inn rafrænt hér: https://forms.gle/L1AckfmuF2gc6St19   

 

Fyrir hverja er ráðstefnan? 

Ráðstefnan er ætluð öllum sem koma að menntun í náttúrufræði- og raunvísindagreinum ásamt öðrum áhugasömum. Hér með er auglýst eftir efni á ráðstefnuna frá starfandi kennurum á öllum skólastigum, leik-, grunn-, framhalds- og háskóla, skólastjórnendum, fræðafólki, fulltrúum atvinnulífsins og öðrum áhugasömum. Með menntun í náttúruvísindum er átt við öll svið innan náttúru- og raunvísinda. Efni ráðstefnunnar er sniðið að öllum skólastigum. 

Hvernig efni er kallað eftir? 

Kallað er eftir efni af hvaða tagi sem er sem snýr að náttúrufræðimenntun á hvaða skólastigi sem er sem og menntun náttúrufræðikennara. 

Hvert er formið á efninu? 

Mismunandi form verður á efninu. 

  • Kynningar/erindi; hámark 20 mín. með umræðum. 
  • Ritrýnt erindi; hámark 20 mínútur með umræðum 
  • Málstofur; þrjú samtengd erindi með umræðum, hámark 1 klst. 
  • Smiðjur; vinnustofur þar sem áhersla er lögð á virka þátttöku fólks, hámark 1 klst. 
  • Básar; kynningar á efni tengt náttúrufræðimenntun, með viðveru kynningaraðila. 
  • Veggspjöld; verða til sýnis meðan á málþinginu stendur. 

 Hvernig er unnt að senda inn erindi? 

Lýsing á efni er sent inn rafrænt hér: https://forms.gle/L1AckfmuF2gc6St19  

Frestur til að senda inn erindi er til 1. mars 2023. 

Svör frá málþingsnefnd munu berast fyrir 10. mars 2023. 

Vinsamlega áframsendu bréfið til samstarfsfólks og þeirra sem kunna að hafa áhuga. 

Nánari upplýsingar Svava Pétursdóttir, svavap@hi.is, Haukur Arason, arason@hi.is. 

 

18/03/2021
by svava
Comments Off on Ráðstefnudagar – helstu upplýsingar

Ráðstefnudagar – helstu upplýsingar

Verið velkomin á ráðstefnu um náttúrufræðimenntun. Þegar þetta er ritað hafa 144 skráð sig til leiks sem er metþátttaka og við búumst við spennandi dögum með fjölbreyttri dagskrá.

Hér eru helstu tenglar:

SAMEIGINLEG DAGSKRÁ FER FRAM HÉR:  https://eu01web.zoom.us/j/66361367817  

Dagskrá ráðstefnunnar.      Dagskrá til útprentunar         –          Ágrip til útprentunar

Málstofur á föstudag

Málstofur á laugardag

Glósum saman

Miðasala á bíósýninguna https://tix.is/is/event/11053/eins-og-malverk/ 

Hægt verður að skrá sig fram á síðustu stundu hér.

Undirbúningsnefndin þakkar öllum þeim sem lagt hafa fram dagskrárliði, má þar sérlega nefna Kolbrúnu Pálsdóttur forseta menntavísindsviðs sem setur þingið, Lilju D. Alfreðsdóttur menningar- og menntamálaráðherra sem ávarpar það. Síðan færum við okkar bestu þakkir til aðalfyrirlesarana Svönu Helen Björnsdóttur, formaður Verkfræðingafélags Íslands,  professor Nicola Spencer og Penny Cobau-Smith, professor emeritus.

Undirbúningshópinn skipuðu

Svava Pétursdóttir,  Kristín Norðdahl, og Haukur Arason Menntavísindasvið Háskóla Íslands, Rannsóknarstofa um náttúrufræðimenntun
Sean Scully, Háskólanum á Akureyri
Hólmfríður Sigþórsdóttir, Samtök líffræðikennara
Magnús Hlynur Haraldsson, Félag raungreinakennara
Sólveig Baldursdóttir, Víðistaðaskóla
Ingibjörg Stefánsdóttir Grundaskóla

http://malthing.natturutorg.is/  #natt2021

15/03/2021
by svava
Comments Off on Eins og málverk- tryggið ykkur miða

Eins og málverk- tryggið ykkur miða

Hluti af ráðstefnunni er sýning á myndinni Eins og málverk  laugardaginn 20. mars kl. 15:00 í Bíó Paradís, – Tryggið ykkur miða – ath takmarkað sætaframboð
„Eins og málverk eftir Eggert Pétursson” er heimildarmynd um listmálarann Eggert Pétursson. Og á ferð okkar um Ísland njótum við leiðsagnar Þóru Ellenar Þórhallsdóttur grasafræðings, sem sameinar upplifun okkar á íslenskri náttúru og flórumengi blómamynda Eggerts.

Þóra Ellen Þórhallsdóttir prófessor í líffræði við HÍ og Eggert Pétursson listamálari munu kynna myndina á undan sýningunni. Miðasala er á tix.is  https://tix.is/is/event/11053/

Leikstjóri: Gunnlaugur Þór Pálsson
Tegund: Heimildarmynd
Lengd: 74 min

Sýnishorn: https://youtu.be/riq0qbCQtzQ

Vonumst til að sjá sem flesta
Hér eru nokkrir tenglar þar sem lesa má um myndina

https://www.frettabladid.is/lifid/samkomubanni-bitnai-a-blomum/

Https://www.kvikmyndavefurinn.is/films/nr/1992

Svona var hún kynnt fyrir frumsýningu hennar… https://tix.is/is/event/9877/eins-og-malverk-eftir-eggert-petursson-stockfish-festival-/

25/02/2021
by svava
Comments Off on Opið er fyrir skráningu á ráðstefnu um náttúrufræðimenntun 2021

Opið er fyrir skráningu á ráðstefnu um náttúrufræðimenntun 2021

Skráningu á  ráðstefnu um náttúrufræðimenntun sem fer fram á netinu föstudaginn 19. mars kl. 13:00-16:10 og laugardaginn 20. mars kl. 9:00-13:00 er hafin og stendur til 18. mars.   Skráning fer fram með því að smella hér.

Skráningargjaldið er ekkert

Dagskrá

Dagskrána má nálgast hér http://malthing.natturutorg.is/dagskra-radstefnu-um-natturufraedimenntun-2021/ .

Aðalfyrirlesarar verða:

Svana Helen Björnsdóttir, formaður Verkfræðingafélags Íslands: Náttúruvísindi – grunnur að farsælli framtíð.

Professor Nicola Spence, plöntuheilsusérfræðingur, Deild umhverfis, matvæla og dreifbýlis. London, Englandi. ‘Responding to an increasing threat – protecting the UK from plant pests and diseases’

Penny Cobau-Smith, prófessor emeritus og fyrrum forseti Menntavísindadeildar Adrian College (Michigan, USA). Kenndi náttúrufræði í yfir 30 ár framhaldsskóla:  The Essential Value of a Hands-On Science Education: Research, Empirical Evidence and Practical Application.

Bíósýning: Við vekjum athygli á sérstakri bíósýningu í tengslum við ráðstefnuna í Bíó Paradís kl. 15:00 á laugardeginum.  Sýnd verður myndin Eins og málverk, Þóra Ellen Þórhallsdóttir prófessor í líffræði við HÍ og Eggert Pétursson listamálari munu kynna myndina á undan sýningunni. Miðaverð 1600 kr.

Fyrir hverja er ráðstefnan?

Ráðstefna er ætluð öllum sem koma að menntun í náttúrufræði- og raunvísindagreinum ásamt örðum áhugasömum. Efni ráðstefnunnar er sniðið að öllum skólastigum. Á ráðstefnunni verður efni frá starfandi kennurum á öllum skólastigum, leik-, grunn-, framhalds- og háskóla, skólastjórnendum, fræðafólki, fulltrúum atvinnulífsins og öðrum áhugasömum. Með náttúrufræðimenntun er átt við öll svið innan náttúru- og raunvísinda.

Vinsamlega bentu samstarfsfólki og öllum þeim sem kunna að hafa áhuga á ráðstefnunni á að skrá sig.

Nánari upplýsingar veitir Svava Pétursdóttir svavap@hi.is og Haukur Arason arason@hi.is , hjá Menntavísindasviði Háskóla Íslands.

#natt2021

Að ráðstefnunni standa

Rannsóknarstofu um náttúrufræðimenntun (RAUN) við Menntavísindasvið Háskóla Íslands í samstarfi við:
Félag leikskólakennara
Félag raungreinakennara
Háskólann á Akureyri
NaNO
Náttúrutorg
Samlíf, Samtök líffræðikennara

27/01/2021
by svava
Comments Off on Kall eftir erindum – Lumar þú á áhugaverðu efni?

Kall eftir erindum – Lumar þú á áhugaverðu efni?

Til allra áhugasamra um náttúrufræðikennslu. 19.-20. mars verður rafræn ráðstefna um náttúrufræðimenntun. Er hún ætluð öllum sem fást við náttúrufræðimenntun á öllum skólastigum.
Í skólasamfélaginu eru margir að gera spennandi spennandi hluti í sinni kennslu sem vert væri að segja frá. Undirbúningsnefnd ráðstefnunnar biðlar til allra bjóða uppá erindi, kynningu eða vinnusmiðju á ráðstefnunni.

Lumar þú á áhugaverðu efni?  Fylltu þá út þetta form fyrir 15.  febrúar  https://forms.gle/qGCYjebZG9c8ESpm9 

2015-04-17 14.20.long

Frá málþingi 2015

Spurningum má beina til undirbúningshópsins
Svava Pétursdóttir,  svavap@hi.is
Sólveig Baldursdóttir, solveigb@vidistadaskoli.is
Sean Scully, scully@unak.is
Magnús Hlynur Haraldsson, bhs@gmail.com
Kristín Norðdahl, knord@hi.is
Ingibjörg Stefánsdóttir, ingibjorg.stefansdottir@grundaskoli.is
Hólmfríður Sigþórsdóttir,  holmfridur@flensborg.is
Haukur Arason, arason@hi.is

http://malthing.natturutorg.is/  #natt2021

 

16/03/2019
by svava
Comments Off on Skráning á ráðstefnuna: Vísindin í námi og leik

Skráning á ráðstefnuna: Vísindin í námi og leik

VÍSINDI Í NÁMI OG LEIK

Laugardaginn 30. mars 2019 verður efnt til ráðstefnunnar Vísindi í námi og leik í samstarfi Miðstöðvar skólaþróunar við Háskólann á Akureyri og Málþings um náttúrufræðimenntun*. Á ráðstefnunni verður fjallað um nám og kennslu í náttúruvísindum, stærðfræði og tækni, þ.m.t. upplýsingatækni, í leik-, grunn- og framhaldsskólum.

Ráðstefnan er ætluð kennurum og starfsfólki í leik-, grunn-, og framhaldsskólum og sérstaklega er horft til þess að umfjöllunarefni hafi hagnýtt gildi í skólastarfi. Auk aðalfyrirlestra og pallborðsumræðna verða málstofuerindi, vinnustofur og veggspjöld þar sem reifuð verða ýmis mál er lúta að námi og kennslu með sérstakri áherslu á fyrrnefnd viðfangsefni.Upplýsingar um ráðstefnuna má  einnig finna á Facebooksíðum MSHA og Náttúrutorgs og á síðu Miðstöð skólaþróunar.

Skráning á ráðstefnu

Veggspjald til útprentunar- endilega prentið út og setjið upp í skólum ykkar.

16/01/2019
by svava
Comments Off on Málþing í miklu samstarfi

Málþing í miklu samstarfi

Að þessu sinni verður málþing um náttúrufræðimenntun haldið í samstarfi við Miðstöð skólaþróunar í Háskólanum á Akureyri laugardaginn 30. mars.

Eins og áður koma margir að málþinginu og skipulagið langt komið, kall eftir erindum og smiðjum má sjá hér að neðan.

  Continue Reading →